Centro di Bario Noord Ta Celebra 55 Añanan di Historia, Comunidad i Tremendo Musica!

Fin di siman pasa, Centro di Bario Noord a bisti di fiesta pa celebra un milestone masha importante: su di 55 aniversario. Pa mas di mei siglo, e Centro aki a sirbi como e curason di e comunidad di Noord, un espacio caminda generacionnan a topa, comparti y selectamente, celebra nos cultura. Un anochi bailable inolvidabel yena cu e miho musica di nos Isla!

E ambiente tabata ameno, unda por a nota hopi cara conoci fiel bishitantenan di añanan y un comunidad uni cu pa tur e decadanan aki a bira e pilar y e motor di apoyo pa Centro di Bario Noord.

E fiesta tabata den man di dos di nos gran bandanan local cu a pone tur hende baila for di inicio te na final:

• Jerino y su Mini D: A trece nan energia contagioso riba escenario, deleitando e publico cu nan ritmo y presentacion impecable.
• Robert y su Solo Banda Show: Un dushi repertorio cu a haci e anochi uno special, treciendo e sabor y e ambiente cu nan so por duna.

Pa mantene e ritmo y e pista di baile cayente entre e presentacionnan, e veteranisimo Dj Metropolis tabata encarga cu e control musical, tocando e miho mixnan cu a recorda temponan bon di fiesta y hitnan di momento.

Sosteniendo nos Herencia Musical

Arubamusician.com ta felicita e directiva, e boluntarionan y henter e comunidad di Noord pa e logro grandi aki. Centro di Bario Noord no solamente ta un centro social, sino tambe un plataforma crucial unda nos talentonan y nos musica local semper a haya un hogar.

Pa hopi aña mas di musica, union i cultura den curason di Noord! Pabien!